රසගුණ පිරි පලතුරැ කිහිපයක්

ජමිබෝල

විද්‍යාත්මක නම- Citrus   Maxima
ඉංග්‍රීසි නම- Pummelo

පැගිරි කුලයට අයත් පලතුරකි.පැගිරි කුලයේ අනෙක් පලතුරැ වලට වඩා තරමක් විශාල ගෙඩි හට ගනී.මයි සිට අගෝස්තු දක්වා කාලය තුල ඵල හට ගනී.ජමිබෝල ආහාරයට ගැනීමෙන් ආහාර දිරවීම පහසු වේ.මළබද්ධය සමනය වේ.සමේ රෝග, හෘද නාළ ආශ්‍රිත රෝග,ඇදුම,දත්හා අස්ථි ආබාධවලටද ඖෂධයකි.

මැංගුස්

විද්‍යාත්මක නාමය – Garcinia Mangostana
ඉංග්‍රීසි නම – Mangosteen

ගෙවතු වගාවක් ලෙස ප්‍රවලිතව පවතින පලතුරකි.මැංගුස් සදහා විදේශ රටවලින්ද ඉතා හොද ඉල්ලුමක්ද පවතී.ඉදුණු විට පිටත දමි පැහැයක් ගනී.ඇතුලත සුදුපාට ඉතා රසවත් මද පිරී ඇත.
කළුතර ,කොළඹ ,ගමිපහ ,ගාල්ල ,කෑගල්ල ,මහනුවර සහ මාතලේ යන ප්‍රදේශ වල බහුලව වගා කෙරේ.මැංගුස් ගෙඩි ඵල දරන්නේ මැයි ,සැප්තැමිබර් යන මාසවලදීය.

නෙල්ලි

විද්‍යාත්මක නාමය – Phyllanthus Emblica
ඉංග්‍රීසි නම – Anola

ඖෂධීය වටිනාකමින් ඉහළ පලතුරකි.පැහුණු නෙල්ලි ගෙඩි හෝ නෙල්ලි යුෂ ආකාරයෙන් ආහාරයට ගත හැකිය.සමේ රෝග සදහා යෝග්‍ය වේ.හෘදනාළ, පිත ආශ්‍රිත රෝග සදහා සුදුසුය.තෙත් හා වියලි කලාපය තුල දක්නට ලැ‍බෙයි.

සීනි අනෝදා

විද්‍යාත්මක නාමය – Anona Squamosa
ඉංග්‍රීසි නම – Sugar Apple

අනෝදා පවුලට අයත් පලතුරකි.පලතුරක් හා රසවත් බීමක් ලෙසත් ආහාරයට ගත හැකිය.සාරවත් වගාවක් ලෙස ව්‍යාප්තව නැති අතරතෙත් හා අතරමැදි කලාප ආශ්‍රිතව දක්නට ලැබේ.අමු සීනි අනෝදා ගෙඩි ඖෂධීය වටිනාකමක් දක්වයි.ශරීරයේ ලේ විෂවීමි නිසා ඇතිවන තුවාල හෝ ගෙඩි ආදිය සමනය කිරීමටත් පාචනය රෝගයටත් ගුණදායක පලතුරකි.

අන්නාසි

අන්නාසි අප රටේ ජනප්‍රිය පලතුරකි. එමෙන්ම එහි වාණිජ වටිනාකම ද ඉහළ මට්‌ටමක පවතී. බ්‍රොඩිලියේසි කුලයට අයත් අන්නාසිවල උද්භිද නාමය වනුයේ අනානාස්‌ කොමොසස්‌ (Ananas Comosis) වේ. අන්නාසි සඳහා දේශීය වෙළෙඳපොළේත් විදේශ වෙළෙඳපොළේත් පවතින ඉල්ලුම නිසා බොහෝ දෙනෙක්‌ වගා කිරීමට කැමැත්තක්‌ දක්‌වති. දීර්ඝකාලීනව මේ බෝගය ඉඩම්වල වගා කිරීම හේතුකොටගෙන නිසරු වන පස නිතර පරීක්‌ෂා කළ යුතු ය. එවිට ඒකාකාර වගා ක්‌ෂේත්‍ර පවත්වාගත හැකි ය. මේ අනුව ආර්ථික ලාභයක්‌ උපදවා ගැනීම ඉහළ මට්‌ටමක පවත්වා ගැනීමට ශාකයේ වර්ධනයටත් අස්‌වැන්නේ ගුණාත්මය සඳහාත් අවශ්‍ය කරන පෝෂක ද්‍රව්‍ය ලබා දිය යුතු ය. අන්නාසි ඉතාමත්ම ගුණාත්මක පෝෂ්‍යදායි ආහාරයකි.

අපේ ජාතික වීරයෝ

පෘතුගීසින්, ලන්දේසින් හා ඉංගී‍්‍රසින් වරින්වර අපේ ශී‍්‍ර ලංකාව යටත් රටක් බවට පත්කර ගත් නිසා නිදහස යන්න අතීත අපට සිහිනයක්ම විය. අපේ සිංහලයන් යටත් වහලුන් බවට පත් කරමින් ඔවුහු අප රට සම්පත් සහ රට සූරාකන්නට වූහ. විදේශකයන් ගේ මෙම දරුණු අසාධාරණ වධ හිංසා ඉවසන්නට අකමැති වූ අපේ නිර්භීත ලාංකිකයෝ වරින්වර කැරලි ගසන්නට වූහ. ටිබෙට් ජාතිකයකු වුවද එස්. මහින්ද හිමි මෙම රට නිදහස් අරගලයට කවියෙන් දුන් සටන ඉතා විශිෂ්ටය. කුඩාපොල හිමි, මිගෙට්ටුවත්තේ ගුණානන්ද හිමි සහ වාරියපොල ශී‍්‍ර සුමංගල හිමි නිර්භීත සටන්කාමී හිමිවරු වූහ. ඉංගී‍්‍රසින්ට විරුද්ධව කැරලි ගැසූ අය අතරින් කිවුලේ ගෙදර මොහොට්ටාල, කැප්පෙටිපොළ මහ දිසාව, වීර පුරන් අප්පු හා ගොංගාලේ ගොඩ බණ්ඩා යන විරුවෝ ප‍්‍රධාන තැනක් ගති. ද්‍රවිඩ ජාතික අරුණාචලම් පොන්නම්බලම් මහතා ද නිදහස් සටනට එක්වූ ප‍්‍රබල වීරවරයෙකි. සිංහල ජාතිය සහ බෞද්ධ ආගම නඟා සිටුවීමට අනගාරික ධර්මපාල තුමාගෙන් ලද පිටුවහල අතිමහත්ය. ඇතැමුන් කවියෙන් ද තවත් අය ආයුධවලින් මෙන්ම තැනට සුදුසු නුවණින් ද ගෙන ගිය මෙම සටනේ ප‍්‍රතිඵලය ලෙස 1948 පෙබරවාරි 04 වැනිදා අප රටට උතුම් නිදහස ලැබිණි.