ඔබේ ආත්ම විශ්වාසය වර්ධනය කරගැනීමට ක්‍රම 10 ක්

self-confidence-600x328

රළ බසින් පැවසුවහොත්, ආත්ම විශ්වාසය යනු, තමාගේ වටිනාකම සහ හැකියාවන් තමාට දැනෙන ආකාරයයි. ආත්ම විශ්වාසය පහළ වැටෙන විට ඔබේ ජීවිතයේ ක්‍රියාකාරීත්වය, රැකියාව, මිතුදම්, අනෙක් පෞද්ගලික සම්බන්ධතා ආදිය නිතැතින්ම අඩපණවීම සිදුවේ. ඔබ දිවිය පුරාම බිඳවැටුණු ආත්ම විශ්වාසය සමග ගැටෙමින් ජීවත් වූවා විය හැක. නැතහොත්, මෑතකදී සිදුවූ යම් යම් සිදුවීම් නිසා ආත්ම විශ්වාසය බිඳවැටුනා විය හැක. කෙසේ වුවත්, යලි ආත්ම විශ්වාසය ගොඩනංවා ගැනීමට ප්‍රමාද නැත. එසේ නම්, ආත්ම විශ්වාසය වර්ධනය කරගැනීම සඳහා කුමක් කල යුතුද?

ඵලදායී යමක් කරන්න.

ඔබ සතුව යම් කාර්යයන් ලැයිස්තුවක් තිබෙන මුත්, යම් යම් හේතූන් මත ඒවා ක්‍රියාත්මක නොකර පසෙකට කර තිබෙනවා විය හැක. එසේ නම්, යලි වැඩකිරීම ආරම්භ කිරීමට වෙලාව පැමිණ ඇත. කාමරය පිරිසිදු කිරීම හෝ පැල කිහිපයක් සිටුවීම වැනි සරළ දෙයක් මුලින්ම කරන්න. එවැනි කුඩා කාර්යයක් වුවද, සාර්ථකව අවසන් කිරීමෙන්, ඔබේ ආත්ම විශ්වාසය වර්ධනය වේ. එවිට ක්‍රමයෙන්, වඩා සංකීර්ණ කාර්යයන් කිරීම දක්වා එය වර්ධනය කරගත හැක.

යම් දක්ෂතාවයක් ප්‍රගුණ කරන්න.

ඔබව අන් අය අතර කැපීපෙනෙන හෝ අනෙක් අය විසින් අගය කිරීමට ලක්වන, යම් ක්‍රියාවක් හෝ දක්ෂතාවයක් සොයාගෙන එය ප්‍රගුණ කරන්න. එවිට, ඔබේ දක්ෂතාවය පිළිබඳ ඔබටම ආඩම්බර විය හැක. ඔබ නර්ථනයට දක්ෂ නම්, එය ප්‍රගුණ කලහැක. ඔබ චිත්‍ර ඇඳීමට දක්ෂ නම්, එය වැඩිදියුණු කරගත හැක. ඔබ ගීත ගායනයට දක්ෂ නම්, එය තවදුරටත් පුහුණු විය හැක. මෙසේ, ඔබ කුමන ක්‍රියාවකට දක්ෂ වුවද, එය වර්ධනය කරගැනීම ඔබටම අභියෝගයක් කරගෙන, වැඩිදියුණු කරගැනීමෙන් ආත්ම විශ්වාසය ඉක්මනින් වර්ධනය වේ.

ව්‍යායාම සහ ශාරීරික ක්‍රියාකාරකම් කරන්න.

ව්‍යායාම කිරීම ඔබගේ චිත්ත ස්වභාවය (Mood) ඉහළ දමන අතර, ආත්ම විශ්වාසය වැඩිදියුණු කිරීමට හේතුවේ. රැකියාව නිමවීමෙන් පසුව, ඇවිදීම වැනි සරළ ක්‍රියාකාරකමකින් පවා ඔබේ ශරීරයේ ශක්තිය සහ සෞඛ්‍යය වර්ධනය වී ඇති බවට හැඟීමක් ඔබට ඇතිවේවි.

තමාටම කථා කරන රටාව වෙනස් කරන්න.

ඔබ පිළිබඳව ඔබටම හැඟෙන ආකාරය සැලකිය යුතු ලෙස වෙනස් කිරීමට, ඔබ ඔබටම ආමන්ත්‍රණය කරන්නේ කෙසේද යන්නට හැකියාව ඇත. ඉතා කුඩා වැරදීමක් වූ විට පවා, එය විශාල වැරැද්දක් හෝ බිඳවැටීමක් ලෙස සිතන්නේ නම්, ඔබේ ආත්ම විශ්වාසයට සිදුවන්නේ විශාල හානියකි. ඕනෑම සිදුවීමක හෝ වැරදීමක, ධනාත්මක පැතිකඩ දැකීමට හුරුවන්නේ නම්, ඔබ පිළිබඳව ඔබ සිතන ක්‍රමය වෙනස් වී, ආත්ම විශ්වාසය තවදුරටත් වර්ධනය වනු ඇත. සැමවිටම, ඕනෑම වැරදීමක්, එය සාර්ථකව අවසන් කිරීමට පාඩමක් කරගන්න.

බාහිර පරිසරයේ කාලය ගතකරන්න.

බොහෝවිට, බොහෝ දෙනෙක් රැකියා කරන ස්ථානය තුළ සිරවී සිට නිවසට පැමිණි විටද, නිවස තුළටම වී කාලය ගතකරනු දැකිය හැක. නිදහසේ බාහිර පරිසරයට වී විනාඩි 5 ක් පමණක් ගතකිරීමෙන් වුවද, ආත්ම විශ්වාසය වැඩිවන බව සොයාගෙන ඇත. එමනිසා, විනෝදය සහ ව්‍යායාම යන දෙකම ලැබෙන, බයිසිකල් පැදීම, ඇවිදීම, කඳු නැගීම, හෝ පිහිනීම වැනි ක්‍රියාකාරකමක් කිරීමට යොමුවන්න.

බලාපොරොත්තු අඩුවෙන් තබාගන්න.

සැමවිටම, සර්ව සම්පූර්ණ වීමට උත්සාහ කිරීම, සාර්ථක වීමට වඩා බලාපොරොත්තු බිඳවැටීමට හේතුවිය හැක. එයින් වැළකීමට නම්, යම් ඉලක්කයක් සපුරාගැනීමට කටයුතු කරන විට, එය සර්ව සම්පූර්ණ විය යුතුම බවට ඇති අදහසේම සිට කටයුතු නොකරන්න. උදාහරණයක් ලෙස, ඔබ යම් පැවරුමක් හෝ වාර්තාවක් නිමකල විට, එය නිසි වෙලාවට අවසන් කිරීම ගැන ආඩම්බර වන්න. නමුත්, ඔබේ ප්‍රධානියා යම් වෙනස්කම් හෝ එකතුකිරීම් කිහිපයක් කලයුතු යැයි පැවසුවහොත්, ඔබ අසාර්ථක වූවා යැයි සිතන්නට එපා. ඒ වෙනුවට, එසේ කිරීමෙන් යමක් අලුතෙන් ඉගෙන ගැනීමට ලැබුනේ යැයි සිතන්න. එමගින්, ඉදිරියේදී එවැනි කාර්යයක් සාර්ථකව නිමකිරීමට, ඔබගේ ජීවිතයට යමක් එකතු වූවා යැයි සිතීමට පුරුදුවන්න.

ඉලක්කයන් ඇතිකරගන්න.

පහසුවෙන් සපුරා ගතහැකි ඉලක්ක කිහිපයක් ඇතිකරගෙන, ඒවා සාර්ථක කරගැනීමට සැලසුමක් සාදාගන්න. යම් ඉලක්කයක් සාර්ථකව අවසන් කලවිට, එය ආරම්භයේ සිට අවසානය දක්වා නිමකල ආකාරය පිළිබඳ සතුටක් ඔබට ඇතිවේවි.

හොඳින් අඳින්න, පළඳින්න

පිළිවෙලකට, පිරිසිදුව, තැනට සුදුසු ලෙස අඳින්න, පළඳින්න පුරුදුවන්න. එමගින්, ඔබටම ප්‍රියජනක හැඟීමක් ඇතිවනු ඇත. නිවසින් පිටතට යද්දී, හොඳින් හැඳ පැළඳ පිටත්වීමෙන්, ඔබේ ආත්ම විශ්වාසය වර්ධනය වේ. මෙය, හොඳින් ඇඳුම් ඇඳීම, ආභරණ පැළඳීම, කොන්ඩ මෝස්තරයක් දැමීම වැනි සරළ දෙයක් වුවද, ආත්ම විශ්වාසය වැඩිකරගැනීමට කදිම උපායකි.

ප්‍රියමනාප වන්න.

වෙනත් අයෙකු උදෙසා, යම් ප්‍රියමනාප, හොඳ යමක් කලේ නම්, එය ඔබගේ ආත්ම විශ්වාසය වර්ධනය කිරීමට හේතුවේ. මිතුරෙකුට, සමීපතම කෙනෙකුට, හෝ ඥාතියෙකුට කුඩා ත්‍යාගයක් දීම, යම් පොදු කාර්යකදී ස්වේච්චාවෙන් ඉදිරිපත් වීම, සහ යමෙකුට උදවු කිරීම මෙයට උදාහරණ ලෙස දැක්විය හැක.

සමාජයේ කීර්තිමත් පුද්ගලයෙකු ඇසුරු කරන්න හෝ අගයන්න.

ඔබට මිතුරන් ඇසුරු කිරීමට හෝ මිතුදම් පවත්වාගැනීමට අපහසු නම්, ඔබගේ ආත්ම විශ්වාසය වර්ධනය කරගැනීමට හොඳම ක්‍රමයක් ලෙස, නිවේදකයෙක්, සංගීතඥයෙක්, රංගන ශිල්පියෙක් වැනි සමාජයේ කීර්තිමත් පුද්ගලයෙකු අගය කරන්න සහ ඇසුරු කරන්න. ඒ සඳහා, ඔබට සංගීත ප්‍රසංගයක් හෝ වේදිකා නාට්‍යයක් නැරඹීමට ගිය අවස්ථාවක, අවස්ථාවක් ලදහොත් සංගීතඥයෙකු හෝ රංගන ශිල්පියෙකු සමග මදක් දොඩමළු වන්න සහ එක්ව ඡායාරූපයක් ගන්න. එමෙන්ම, ඔහු හෝ ඇය අගය කරන්න. එවැන්නෙක් සමග මුහුණුපොත (Facebook) තුලින් සම්බන්ධ වන්න. එවිට, ඔබගේ පරමාදර්ශී චරිත තුළ ඔබ දක්නා හොඳ ගුණාංග ඔබ තුළ ක්‍රමයෙන් වර්ධනය වන අතර, ආත්ම විශ්වාසය ද වැඩිදියුණු වේ. එය, මෑතදී කරන ලද පර්යේෂණයක් මගින්ද තහවුරු වී ඇති කරුණකි. මෙම ක්‍රියාවලිය සිදුවීමට, සමාජයේ කීර්තිමත් පුද්ගලයෙකු සමග සැබෑ සම්බන්ධතාවයක් තිබීම අත්‍යාවශ්‍ය නොවන අතර, තමාගේ පරමාදර්ශී චරිත අගය කිරීම පමණක් වුවද සෑහේ.

සමාගම් පනත-ප්‍රකාශිත ප්‍රාග්ධනය ගණනය කිරීම සහ කොටස් නිකුත් කිරීම..

උසස් පෙළ විභාගය සදහා වැදගත් වන සමාගම් පනතේ 58 වගන්තිය – ප්‍රකාශිත ප්‍රාග්ධනය ගණනය කිරීම සහ 52 වගන්තිය – කොටස් නිකුත් කිරීම ගිණුම් තැබීම සියලු theory සහ අභ්‍යාස මෙම වීඩියෝවෙහි දැක්වේ. ප්‍රසාද කොටස් නිකුත් කිරීම සහ හිමිකම් කොටස් නිකුත් කිරීම ඊලග වීඩියෝ වෙන්.

කාලය කළමනාකරණය කරගන්නේ කෙසේද?

time-management-skills-and-techniques-990x656

“කාලය සමඟ සැහැල්ලුවෙන් පියාඹන්න.කාලය වෙඩිල්ලක් වැනි ය. ගියොත් ගියාම ය.” (විශ්ව විද්‍යාල ශිෂ්‍යයෙක්)

“කාලය රන් හා වටී.”  “Time is money”

මේ මොන ආකාරයකට කීවත් කාලයට වටිනාකමක් කියා දීම තරමක අපහසු දෙයක්. ඒ ඇයි ද කියනවා නම් කාලයේ වටිනාකම මනින්න බැරි නිසා. වටිනාකම කියාදීම අපහසු වුවත් කාලය කළමනාකරණය කරගන්න විදිය ඔබට කියා දෙන්නට අපට පුළුවන්. පුද්ගලයන්ගේ දියුණුව රඳා පවතින්නේ කාලය පරිහරණය කිරීමට දක්වන දක්ෂතාවය මත යි. කාලය මනාව හසුරුවා ගන්න හිතාමතාම සැලසුම් කළ පුරුද්දක් ඇතිකර ගන්න ඕන. කුමන ක්ෂේත්‍රයක වුවත් ඉහළම සාර්ථකත්වයක් ලබාගෙන ඇත්තේ ඉතා අර්ථවත්ව කාලය හසුරුවා ගත් අයයි.

තත්පරයක් කියන්නෙ නොගිනිය හැකි තරම් කුඩා කාල ඒකකයක්. ඒත් තත්පර 86400 එකතු වෙලා දවසක් හැදෙන බව ඔබ දන්නවා ද? මිනිත්තුවක් කියන්නෙත් කුඩා කාල ඒකකයක්. මිනිත්තු 1440ක් එකතු වෙලා දවසක් හැදෙනවා. ඔබ දවසක් කෙතරම් සැහැල්ලුවෙන් ගතකර හරිනවා ද? දවස 21900ක් ගෙවුන තැන අපේ මිහිරිතම ළමා කාලයත් සුන්දරම යෞවනයත් ගෙවී ගොස් විශ්‍රාම දිවිය ද උදා වෙනවා. එනම් වසර 60ක් සම්පූර්ණ වෙනවා.

කාලය රන්වලට වඩා වටිනව කියල දැන් හිතෙනව නේද? “කාලය වෙඩිල්ලක් වැනිය. ගියොත් ගියාමය” උපුටනය මා යොදා ගත්තේ ද ඒ නිසයි.

දැන් බලමු කාලය කළමනාකරණය කර ගන්නේ කොහොමද කියල.

1. ඔබ දැනට කරන වැඩ අඩු කාලයකින් කිරීම තුළින් .

උදා: ඔබ නෑම සඳහා පැයක කාලයක් ගත කළා නම් එය විනාඩි 20ක් 30ක් තුළ නිම කිරීම.

2. දැනට ඔබ නාස්ති කරන කාලය ප්‍රයෝජනවත් ලෙස භාවිතා කිරීම.

උදා: පැය 3ක් 4ක්
රූපවාහිනිය නැරඹීම.
පරිගණක ක්‍රීඩාවලට ඇබ්බැහිවීම.

ඔබ දැනට කරන වැරදි අවම කරගෙන කාලය නිසි ලෙස අර්ථවත් කිරීමට දැන් අපි උත්සාහ කරමු.

1. හොඳ ආරම්භයක් ගනිමු

ඔබ දන්නවා කෙතරම් සැලසුම් කළත් ක්‍රියාත්මක කරන එක කොච්චර අමාරුද කියලා. මේක ඇතුළතින් කෙරෙන බල කිරීමක්. ඒ වෙලාවට ඒ වැඩේ කරන්න. ඒ සඳහා ඔබ හොඳ ආරම්භක ශක්තියක් ඇතිකරගන්න.

2.පිළිවෙළකට වැඩ කරමු.

හෙට දිනට වැඩ සැලසුම් කර නිදා ගන්න පුරුදු වෙන්න. ඉන් පසු උදෑසන අවදි වූ සැනින් ප්‍රබෝධමත් ලෙස වැඩ අරඹන්න. පෙරදා සැකසූ වැඩ ලැයිස්තුව ඉදිරියේ නිම කරන වැඩ සඳහා √ ලකුණ යොදන්න. දවස අවසානයේ ඉටු කර ගැනීමට නොහැකි වූ වැඩ ඉදිරියේ X ලකුණ ද යොදන්න. ඒ සඳහා හේතුව ද ලියන්න. එම කාර්ය සඳහා දිනයක් හා වේලාවක් ද වෙන්කර ලියා තබන්න. බොහෝ දුරට පසු දින වැඩ සැලසුමට මෙය එක් කරන්න

උදාහරණ-

1. උදෑසන අවදිවී පිරිසිදුවීම √
2. ආහාර ගැනීම √
3.සිංහල පෙළ පොතේ අභ්‍යාස √
4. රෙදි සේදීම X
5.ගණිතය පන්ති √
6.පුස්තකාලයට යාම X
7.ගෙදර වැඩ √

3. වැඩ කල් දැමීමේ පුරුද්දෙන් අත්මිදෙන්න.

දැන් කළ යුතු දේ දැන්ම කරන්න. වැඩ කල් දැමීමෙන් වැඩ ගොඩගැසේවි. එවිට ඔබට ඇතිවෙන මානසික හා කායික වෙහෙස ආතතිය බවට පත් වේවි. තව ද කලකිරීම්, සිත්තැවුල්, වැරදීම්, අසාර්ථකවීම් එක දිගට ඔබ සොයා ඒවි. වැඩ කල් දමන කෙනෙකුට ජීවිතය ජය ගන්නට නොහැකි බව ඉඳුරාම පැවසිය එදිනට නියමිත වැඩ කොටස් එදිනම නිම කරන්න උත්සාහ කරන්න

4.උදෑසනින් අවදි වන්න.

උදෑසනින් අවදිවීම කාල කළමනාකරණය සඳහා අත්‍යවශ්‍ය දෙයකි. එවිට ඔබට දවස මනාව කළමනාකරණය කරගත හැක. උදෑසන අවදිවීමේ පුරුද්ද ඔබට නැති නම්, එය පුරුද්දක් බවට පත්කර ගන්න. ඕනෑම දෙයක් පුරුද්දක් බවට පත් කරගන්න ගත වන්නේ දින 21ක් පමණි. එම කාලය තුළ ඉලෙක්ට්‍රොනික ඔරලෝසුවක් ආධාරයෙන් අවදිවන්න. ඉන්පසු ඔරලෝසුවේ ආධාරය නැතිව ඔබේ සිත ඔබව අවදි කරනු ඇත. එලාම් එකට කීකරු වන්න.

5.ඔරලෝසුවට ඔබව පාලනය කිරීමට ඉඩ නොදෙන්න.

ඔබ ඔරලෝසුව පාලනය කරන්න. අවදි වූ මොහොතේම ඇඳෙන් බසින්නට පුරුදුවන්න. සීතල පොළොවේ නිරුවත් දෙපා තැබීමෙන් ඔබේ නිදිමත පහව යාවි. ඉලෙක්ට්‍රොනික ඔරලෝසුව විනාඩි 5,10 ලෙස ඉදිරියට තබා නිදාගන්න පුරුදු නොවන්න. “මේ මොන කරදරයක් ද?” කියා අවදි වූ දිනයකත් ඉතා ප්‍රබෝධවත්ව දවස ආදරයෙන් පිළිගත් දිනයකත් කාර්යක්ෂමතාවය මැන බැලූවිට ඔබට පුදුම හිතේවි. දවස පිළිබඳ පළමු සිතුවිල්ල කාල කළමනාකරණයට මෙන්ම ඔබේ සාර්ථකත්වයට කෙතරම් බලපානවා ද යන්න ඔබටම පසක් වේවි.

6.නිශ්චිත කාර්ය තෝරා ගන්න.

දවසේ එක් එක් කාල පරාසයන් තුළ දී ඉටු කිරීමට ඔබ සැලසුම් කළ කාර්යයන් ඇත. සැලසුම් කළ කාර්ය පසෙකලා වෙනත් දේ කළ විට දවසේ සැලසුම අඩාල වේ. එමනිසා ප්‍රධාන කාර්ය සමග අතුරු කාර්යන් පටලවා නොගන්න. එසේ වුවහොත් ඔබට නොදැනීම නිශ්චිත කාර්ය හෙවත් කළ යුතුම දේ ඔබට මගහැරේවි.

7. අනුපිළිවෙළ සකසා ගන්න.

ප්‍රමුඛතා ලේඛනයක් සමඟ කාර්ය අනුපිළිවෙළ සකසා ගැනීම තුළින් මනා කාල කළමනාකරණයක් සිදුවේ. මෙය පෞද්ගලික ජීවිතයේ මෙන්ම රාජකාරී ජීවිතයට ද එක ලෙස වැදගත්වේ. උදාහරණයක් ලෙස ඔබ යම් කටයුත්තක් සඳහා නගරයට යන විට සිදුකර ගතයුතු කාර්යයන් අනුපිළිවෙළක් සකසා ගැනීමෙන් මගහැරීම් සිදු නොවෙනවා මෙන්ම වාර කිහිපයක් යෑමට අවශ්‍ය නොවේ. එවිට ඔබට කාලය මෙන්ම මුදල් ද ඉතිරිවේ.

තව ද ඔබ වෙළඳපළට යන විට මිලදී ගැනීමට අවශ්‍ය භාණ්ඩ ලැයිස්තුව ගෙන යන්න. කල්පනා කරමින් බඩු මිලට ගන්නා විට කාලය අපතේ යයි. අවශ්‍ය බඩු මගහැරේ. අනවශ්‍ය මිලදී ගැනීම් කරයි. සැලසුම් කිරීමෙන් කාලය මෙන්ම මුදල් ද ඉතිරි වේ. මේ සම්බන්ධයෙන් ඔබට ඇති අත්දැකීම් සිහිපත්කර බලන්න.

8. අනවශ්‍ය බාධා ඉවත් කරන්න.

සිත එක අරමුණක තබාගෙන වැඩක යෙදෙන විට විටින්විට නාදවන දුරකථනයට පිළිතුරු දීමේ දී කාලය දෙයාකාරයකින් අපතේ යයි. කාර්යට බාධා වීම හා අවධානය බිදීම තුළින් අසාර්ථක වීම මේ දෙයාකාරයයි. මෙය වළක්වා ගැනීමට ද ක්‍රමවේද දෙකකි. එනම් එම වේලාව තුළ පමණක් දුරකථනය විසන්ධි කර තැබීම. ඔබට එසේ කිරීමට නොහැකි නම් එන ඇමතුම් සඳහා පිළිතුරු දීමට වෙනත් කෙනෙකුට බාර දෙන්න.

9.නිසි දේ නිසි තැන තබන්න.

කාර්යාලයේ මෙන්ම නිවසේ ද තිබිය යුතු භාණ්ඩ,පොත්පත්, ලිපි ලේඛන , ඇඳුම් පැළඳුම් නිවැරදිව ස්ථානගත කරන්න. සෑම භාණ්ඩයකටම නිශ්චිත තැනක් තිබිය යුතුය. එය භාවිත කරන සියලු දෙනා එම නිශ්චිත ස්ථානය දැන සිටිය යුතුය. එම භාණ්ඩ භාවිතා කරන සෑම දෙනාම නැවත ඒවා නිශ්චිත ස්ථානයේ තැබිය යුතුය. මෙවැනි සරල ක්‍රම මගින් යමක් සෙවීම සඳහා ගතවන කාලය ඉතිරිවේ. විවිධ දේ සෙවීමට ඔබ දවසින් කෙතරම් කාලයක් ගත කරනවා ද කියා බිඳුවක් සිතා බලන්න. මෙසේ පිළිවෙළ ඇති විට අපේ කාර්යක්ෂමතාවය ද ඉහළ යයි.

10.ඇබ්බැහිවීම්.

අප රටේ පුරවැසියන්ගෙන් 25%පමණ දිනපතා පැය 3ක්, 4ක් රූපවාහිනිය නරඹයි. ළමා හා තරුණ පිරිසෙන් 35%ක් පමණ පරිගණක ක්‍රියා සඳහා ඇබ්බැහි වී සිටී. ඔබේ වටිනා ජීවිතයේ දවසේ පැය 4ක් යනු කෙතරම් ලොකු කාලයක්ද? එය මාසයක් තුළ පැය 120කි. වසරක් තුළ පැය 1640ක් ඔබ අපතේ යවයි. වසර 10ක් තුළ ඉහත ආකාරයට කටයුතු කළහොත් ඔබට කුමක් වේද? නිත්‍ය වශයෙන් ද ඔබ පිරිහේවි. වහාම මෙයින් අත්මිදෙන්න. තෝරාගත් වැඩසටහන් සීමිත කාලයක් තුළ පමණක් නරඔන්න. පරිගණක ක්‍රියා සඳහා ද මෙය අදාළ වේ.

ඉහත ක්‍රම ශිල්ප අධ්‍යනය කර ඔබේ දුබලතා හඳුනාගන්න. අද සිට ඔබ, ඔබ වෙනුවෙන් ජීවත් වෙන්න ආරම්භ කරන්න. සෑම දවසකටම අරුතක් දෙන්න. උදා වූ දිනය ආදරයෙන් පිළිගන්න. එවිට කාලය අපතේ හරින්නට සිත ඔබට ඉඩ නොදෙනු ඇත. දවසින් හැකිතාක් ප්‍රයෝජන ගත්විට සිතට ඉමහත් ආස්වාදයක් ලැබේ. නිදිමත අලසකම වැනි දේ ඔබ අසලටවත් නොපැමිණේ. ඔබේ වෙනස ඔබටම පසක් වේවි.

අපි සිහින දකින්නේ ඇයි?

If-You-See-A-Woman-Doing-These-Things-In-Your-Dream-You-Future-Is-Very-Bright_1400x.progressive-1

විද්‍යා­ත්මක පැහැ­දිලි කිරී­මකි.

විද්‍යා­ත්ම­කව සිහින පිළි­බඳ අධ්‍ය­ය­නය කිරීම ඔනි­ය­රො­ලොජි (Oneirology) ලෙස හැඳි­න්වෙ­නවා. සිහි­න­යක් වනාහි කිසි­ව­කුගේ සිත තුළ එසේත් නැත් නම්, භෞති­කව සිතු­වොත් මොළය තුළ හට­ගන්නා යමක් වන අතර, එය තවත් කෙන­කුට විඳී­මට හෝ දැකී­මට හැකි­යා­වක් නැත. සිහින පිළි­බඳ නිසි ආකාර අව­බෝ­ධ­යක් ලබා ගැනී­ම­ටද මේ සිහින හඳු­නා­ගැ­නී­මට ඇති නොහැ­කි­යාව බල­පෑවා. කෙනකු විසින් දකින ලද සිහි­න­යක් විස්තර කර­න්නැයි කීවද ඉන් ලැබෙන ප්‍රති­ඵ­ලය 95%ක්ම විශ්වාස කළ නොහැකි මට්ටමේ පව­ති­නවා. මන්ද යත්: සිහි­න­යක් දැකී­මෙන් විනාඩි 10ක් තරම් සුළු කාල­යක් තුළ එහි සිත් ගත් හෝ වැඩි වශ­යෙන් සිතට බල­පෑම් කළ කොටස් හැර අනෙ­කුත් සියලු දේ මත­ක­යෙන් ගිලිහී යනවා. 1952දී ඇම­රි­කාවේ චිකාගෝ සර­ස­විය විසින් හිසට සවි කළ ඉලෙ­ක්ට්‍රෝඩ භාවි­ත­යෙන් කළ පර්යේ­ෂ­ණ­ය­කදී අපේ මොළය විසින් විශාල වශ­යෙන් නින්ද මධ්‍ය­යේදී විදුලි සංඥා නිකුත් කරනු ලබන බව තිර­යෙහි සට­හන් වනු අධ්‍ය­ය­නය කළා. ඒ පර්යේ­ෂ­ණ­යේදී එහි උච්ඡ­තම අව­ස්ථා­වට පැමිණි විට පර්යේ­ෂ­ණ­යට යොදා­ගත් පුද්ග­ල­යන්ගේ දෑස් වේග­යෙන් එහා මෙහා යන ආකා­රය දකි­න්නට ලැබුණු අතර, ඔවුන් වහා ඇහැ­ර­වනු ලැබුවා. එවිට ඔවුන් සිහි­න­යක් දකි­මින් සිටි බවයි පවසා ඇත්තේ. මේ අව­ස්ථාව රැපිඩ් අයි මූව්මන්ට් ස්ලීප් (REM sleep) හෙවත් වේග­වත් දෑස් චලන නින්ද ලෙස හඳු­න්ව­නවා. REM නින්ද ලබන අව­ස්ථා­වේදී හෘදය ස්පන්ද­නය ඉහළ යෑම, කය ඉතා මඳ වශ­යෙන් චල­නය කිරීම්, ඇස් චල­නය කිරීම් මෙන්ම වේග­යෙන් හුස්ම ගැනීම්ද දකි­න්නට ලැබෙ­නවා. නිඳා­ගෙන සිටින කෙනකු දෙස බලා­ගෙන සිටිය හොත් ඔවුන්ගේ ඇසි­පිය යටින් වේග­යෙන් ඇස් චල­නය වන ආකා­රය ඔබට දැක­ගත හැකියි.

REM අව­ස්ථා­වේදී මොළය ක්‍රියා කරන්නේ එය අවදි වී සිටින අව­ස්ථාවේ ක්‍රියා­ත්මක වන ආකා­ර­ය­ට­මයි. එහෙත් වෙනස වන්නේ ඒ අව­ස්ථා­වේදී රසා­ය­නික ද්‍රව්‍ය නිපැ­යීම නවතා ලීමයි. මෙසේ නව­තින රසා­යන ද්‍රව්‍ය අතර නොරෙ­පි­නෙ­ෆ්‍රින්, සෙර­ටො­නින්, හිස්ට­මින් අඩංගු වන අතර, මේ නිසා කයේ පේශි සෙල­වීම බොහෝ වශ­යෙන් නව­ති­නවා. සිහි­නෙන් බිය වූ අව­ස්ථා­වල කෑගැ­සු­වාට හඬ පිට නොවන බව දැනීම, පහ­ර­දී­මට අවශ්‍ය වූවත් එය කර­ග­න්නට නොහැකි බව දැනෙ­න්නේත් මේ පේශි සිර­වීම දැනෙන නිසයි. මෙසේ බිය වූ අව­ස්ථා­ව­න්හිදී හැර අප සිහි­න­ව­ලදී විවිධ චලන දක්වද්දී එත­රම් ගැට­ලු­වක් නොදැ­නීම සහ පිටත බලා සිටි­න්න­කුට මේ අවස්ථා දෙකෙ­හි­දීම පේශි චල­න­යක් දකි­න්නට නොලැ­බෙන තරම්ම වන්නේ මොළය ඊට අවශ්‍ය රසා­යන ද්‍රව්‍ය නවතා ලන නිසායි.

එහෙත් සම­හ­රුන් නින්දෙන් ඇවි­දින්නේ කොහො­මද? ඒ මෙහි­දීම ඇති වන තවත් ඩිස්ඕ­ඩර් (disorder) හෙවත් ආබාධ තත්ත්ව­යක් නිසායි. නින්දෙන් ඇති වන බිය වීම් නිසා මෙහි මුල් අව­ස්ථාව තුළදී හිසට ඈඳා­ගත් ඉලෙ­ක්ට්‍රෝ­ඩද සමඟ පුද්ග­ල­යන් ඇඳට පහ­ර­දීම්, නැගිට යෑමට උත්සාහ කිරීම් කරනු විවිධ පර්යේ­ෂ­ණ­ව­ලදී කැම­රා­වට හසු වී තිබෙ­නවා. එහෙත් සාමාන්‍ය අව­ස්ථා­වේදී බහු­ත­ර­යක් අයගේ පේශි අක්‍රිය වීමෙන් චල­න­යන් නවතා ලනු ලබ­නවා.

නින්දෙහි ඇති එක් අව­ස්ථා­වක් නම් අප ඇහැ­රුණු බව දැනු­ණත් කය සොල­ව­න්නට නොහැකි බව දැනී­මයි. මෙහිදී අපේ මොළය සහ කය නින්දෙ­හිම සිටින නමුත් සිත ඇහැ­රීම හෙවත් සිහි­බු­ද්ධිය ඇති වීම සිදු වෙනවා. එන­මුත් කයෙහි පාල­නය නොලැ­බෙන නිසා ඇතැම් විට නැව­තත් සිහිය ඇති­වම සිහි­නය දැකීම සිදු වෙනවා. එය, සිහි­න­ය­කින් තවත් සිහි­න­ය­කට ඇහැ­රී­මක් මෙන් දැනෙ­න්නත් පුළු­වන්. ඇතැ­මුන් හොඳ සිහි­යෙන් නැඟිට ගොස් වැසි­කි­ළි­යට මූත්‍ර කළත් ඇඳ තෙත් වී එක්වර ඇහැ­රෙ­න්නේත් මෙවන් සංසි­ද්ධි­ය­කට මුහු­ණ­පාන නිසායි. මූත්‍ර පහ කිරීමේ අව­ශ්‍ය­තාව දැනුණු වහා සිත ඇහැ­රෙ­නවා. කුඩා දරු­වන්ගේ මෙය ඇතැම් විට නොදැ­නීම නිසා සිදු වනවා ඇති. එහෙත් නීරෝගි වැඩි­හිටි අයකු මෙවන් අත්වැ­රැ­ද්දක් කර­ගත හොත් බොහෝ විට ඒ සිත විසින් කය පාල­නය කර­ගත නොහැ­කිව මොළය විසින් රවටා සිහි­න­යෙන් පෙන්වන ලද වැසි­කි­ළි­ය­ක­ටයි මූත්‍ර කරන්නේ! මෙය අසා­මාන්‍ය අව­ස්ථා­වක් ලෙස පෙනු­ණත් එය හඳු­න්වන්නේ ලුසිඩ් ඩ්‍රීමින් (Lucid dreaming) ලෙසයි.

මූත්‍ර පහ කිරීමේ අව­ශ්‍ය­තා­වක් හැරුණු කොට සිත පාල­නය කිරීම හරහා සිහි­න­යක් දකිද්දී මේ දකින්නේ සිහි­න­යක් බව පසක් කර­ග­න්නට කෙනකු සමත් වුව හොත් ඒ සිහි­නය තුළ තමන්ට අවශ්‍ය ඕනෑම කෙන­කුව හෝ ආහා­ර­යක් වැනි දෙයක් මවා­ගන්න, ස්පර්ශ කරන්න, සුවඳ බලන්න, රස බල­න්නද හැකි­යාව ලැබෙන අතර ඒ රස, සුවඳ සංවේ­දන පවා හොඳින් විඳ­ග­න්නට අව­ස්ථාව සැල­සෙ­නවා. මෙය භාවනා කිරීම් මඟින් වර්ධ­නය කර­ගත හැකි අව­ස්ථා­වක් මෙන්ම ඒ වෙනු­වෙන් සක­සන ලද හිස් පල­ඳනා උප­ක­රණ පවා තිබෙ­නවා. ඒ උප­ක­ර­ණ­ව­ලින් REM නින්ද හඳු­නා­ගෙන දෑසට විදුලි බුබුළු ආලෝ­ක­යක් සහ කුඩා සංගී­ත­යක් ලැබී­මට සල­ස්ව­නවා. එවිට ටික දිනක් පුහුණු වූ විට මේ ආලෝ­ක­යෙන් සහ ශබ්ද­යෙන් පෙන්නුම් කරන්නේ මා සිහි­න­යක ඉන්නා බව යැයි පැලඳි කෙනාට දැන­ග­න්නට පුළු­වන්. එවිට තමන්ගේ නිර්මා­ණ­ශී­ලි­ත්වය අවදි කර­ගෙන තමන් කැමැති ලොවක් මවා­ගත හැකියි!

නින්ද යනු ජීවි­ත­යට අත්‍ය­වශ්‍ය දෙය­කැයි සෞඛ්‍යය සම්බන්ධ උප­දෙ­ස්ව­ලින් කියන යමක් විද්‍යා­ඥ­යන්ට තහ­වුරු කරන්න අව­ස්ථාව ලැබුණා. ඒ, මීයන් අඩිය වැසෙ­න්නට වතුර පිරවූ බඳු­නක මැද උස් ස්ථාන­යක තබා නිඳා­ගන්න සැලැ­ස්වී­මයි. එවිට REM නින්දේදී පේශී ලිහිල් වී ජල­යෙහි ගැටුණු විට ඔවුන් ඇහැ­රෙ­නවා. මෙලෙස කිහිප වාර­යක් සිදු වුණු විට දකින්න ලැබුණේ ඔවුන්ගේ මත­කය බෙහෙ­වින් නැති වී ඇති බවයි. මනු­ෂ්‍ය­ය­න්ටද පාඩම් කළ කිසි­වක් මෙසේ REM නින්ද අව­ස්ථා­වේදී නිතර ඇහැ­ර­වී­මෙන් නැතිව යනවා. එනිසා මතක තබා­ගත් දෑ ස්ථාවර වීමට හොඳ නින්දක් අත්‍ය­ව­ශ්‍යයි. එසේම තවත් පර්යේ­ෂ­ණ­ව­ලදී දහ­වල් කාල­යේදී ගැටලු විස­ඳී­මක් වැනි යමක් පුද්ග­ල­යන්ට ලබාදී ඔවුන්ගේ හිසෙන් නිකුත් වූ සංඥා­වන් හිසට සබැඳි ඉලෙ­ක්ට්‍රෝඩ මඟින් සට­හන් කර­ගෙන, ඔවුන්ට රාත්‍රියේ නිඳා­ගන්න සලස්වා බැලූ විට දකි­න්නට ලැබී ඇත්තේ ඒ සමාන ඉලෙ­ක්ට්‍රෝන සංඥා­වන්ම රාත්‍රි­යේ­දීත් මොළ­යෙන් පිට කරන බවයි. ඉන් පෙනෙන්නේ උගත් දේ යළි සිහි කිරී­මක් දැන හෝ නොදැන හෝ නින්දේදී සිදු වන බවයි. එහිදී දවස තුළ මොළයේ එක්රැස් වුණු අන­වශ්‍ය දෑ අම­තක කොට, මොළයේ මතක ප්‍රදේ­ශ­වල ඉඩ සක­සා­ගැ­නී­මද සිදු වනවා. මෙලෙස මොළයේ අපේ පාල­න­යෙන් තොර කොටස් විසින් නින්ද අතර සිදු කරනු ලබන දෑ නිසා හට­ගන්නා සංඥා පාල­නය කළ හැකි කොට­ස්ව­ලට ලැබී­මෙන් ඒවා ගැන ඇති වන විය­වුල් බව නිසා විවිධ දේවල් මවා­ගන්නා බවත්, ඒවා සිහින බවත් දැන් විශ්වාස කර­නවා.

තවත් විද්‍යා­ඥ­යන් පිරි­සක් විශ්වාස කරන්නේ සිහින යනු අනා­ගත අව­ස්ථා­වන්ට අපව හුරු කර­ව­න්නක් බවයි. සිතෙහි ඇති බිය­සුලු බව, නොහැ­කි­යා­වන් වෙනු­වෙන් මවා­පාන ලද පරි­ස­ර­යක අප එයට මුහුණ දෙමින් පාස­ලක ඉගෙ­න­ග­න්න­වාක් මෙන් අපේ සිතේ ඇති බිය සහ­ගත අව­ස්ථා­වක් පෙර­දැරි කර­ගෙන අභි­යෝ­ග­යක් මවාපා එයට මුහුණ දෙන්නේ කෙලෙ­ස­දැයි වෙනත් පරි­ස­ර­යක පුහුණු වී අන­තු­රුව පසු­දි­නක එව­න්නක් ඇති වුව හොත් එයට සූදා­නම් කර­ලීම මෙහිදී සිදු වනවා.

ඇතැම් සත්‍ය ලෝක අව­ස්ථා­ව­න්හිදී ‘අප මෙය මෙලෙ­සම අත්විඳ තිබෙ­නවා නොවේ­දැයි’ හැඟෙ­න්නේත් මෙවන් දෑ නිසා වන්නත් පුළු­වන්. එසේ හැඟීම ‘ඩේජා-වූ’ (Deja-Vu) ලෙස හඳු­න්වනු ලබ­නවා. අතීත මාන­ව­යන්ට විවිධ පරි­සර තත්ත්ව­යන් මුහුණ දීම සඳහා ලද පරි­ණා­මීය ලක්ෂ­ණ­යක් ලෙසයි ඒ අනුව සිහි­න­යන් අර්ථ දැක්වෙන්නේ. ඒ කෙසේ වුවත්, කුරිරු සත්‍ය­ලො­වට වඩා ඇතැම් සිහි­න­ව­ලින් ලද දේවල් දෑස් හැර බැලූ විට ‘අනේ එහි තවත් රැඳෙ­න්නට තිබුණා නම්!’ යැයි ඔබට සිතී ඇතු­වාට සැක නැත. එහෙත්, සත්‍ය ලෝකයේ හඹා යන්නට මිස, සිහින හෙවත් ඉලක්ක යනු නින්දෙන් ලැබිය යුතු මවා­ගත් දෙයක් නොවන බව සිහි කට යුතුයි.

ජින් පියාජේගේ ඉගෙනුම් න්‍යාය (Jean Piaget’s Learning Theory)

කීර්තිමත් මනෝවිද්‍යාඥයෙකුවූ ජීන් පියාජේ 1896 අගොස්තු මස 09 වන දින ස්විස්ටර්ලන්තයේදී උපත ලැබීය පියාජේ ප්‍රකට දාර්ශනිකයෙතු අද්‍යාපනඥයෙකු හා තර්ත ශාස්ත්‍රඥයෙකු ලෙසද ප්‍රකටය නියුචාටෙල් විශ්ව විද්‍යාලයේ මහාචාර්‍යවරයෙකුවූ ආතර් පියාජේ ඔහුගේ පියාය ප්‍රංශ ජාතික රෙබේකා ජැක්ෂන් ඔහුගේ මව විය කුඩා අවධියේ සිටම ඉගෙනුමට දක්ෂතා දැක්වූ පියාජේ පාසැලේ දීප්තිමත්ම සිසුවා විය ඹහු වයස අවුරුදු 10 දී සත්ව විද්‍යාව පිළිබද වාර්ථා ලිවීම ආරම්භ කළේය ජීව විද්‍යාව හා සත්ව විද්‍යාව ඔහුගේ ප්‍රියතම විෂයන් විය නියුචාටෙල් පාසලෙන් මූලික අධ්‍යාපනය හැදෑරූ අතර උසස් අධ්‍යාපනය නියුචාටෙල් විශ්ව විද්‍යාලය හා සුරීචි විශ්ව විද්‍යාලයෙන් ලැබුවේය.

මනෝ විද්‍යා ක්ෂෙත්‍රය තුළ කාලීන වශයෙන් විවිධ වූ ඉගෙනුම් න්‍යායන් රාශියක්  මෙන්ම ඉදිරිපත්කිරීම් කිහිපයක් ම දැක ගත හැකි අතර ඒ වන විටත් ඉතා ඉහලින් අගය කරනු ලැබූ චර්යයාවාදී මනෝවිද්‍යායින් විසින් විවිධ සත්ත්වයන්ගේ චර්යාවන් නිරීක්ෂණ මගින් ගොඩ නගන ලද චර්යයා න්‍යායන් වෙනස් මගකට යොමු කරන ලද මනෝවිද්‍යාඥයෙක් ලෙස ජීන් පියාජේ දැක්විය හැකි ය. ස්විස් ජාතිකයෙකු වූ ඔහු සිය දරුවන් වූ ජැසලින්, ලුසියව් සහ ලොරේන්වේ යන තිදෙනා උපන් මොහොතේ සිට නව යෞවනයට පැමිණීම තෙක් කාලයම පරීක්ෂණයට ලක් කරමින් එනම් සිය දරුවන් ඇසුරෙන් සිදු කළ බුද්ධි වර්ධනය පිළිබඳ පරීක්ෂණ වැදගත් වෙයි. එය එතෙක් පැවති ඉගෙනුම් න්‍යායන් නව මන්පෙතකට හැරවීමක් ලෙස දැක්විය හැකි ය.

මොහු පෙන්වා දෙන අන්දමට බුද්ධි ව්‍යුහයන් උපතේ සිටඅවුරුදු 18 – 20 පමණ දක්වා ක්‍රමයෙන් අකණ්ඩව සංවර්ධනාත්මකව වර්ධනය වේ. එම අඛණ්ඩව සංවර්ධනය වන්නා වූ ක්‍රියාවලිය තුළ ඒ ඒ අවධි තුළ විවිධ බුද්ධිමය දක්ෂතා ඇතුලත් කර බුද්ධි සංවර්ධන අවධි කිහිපයකට දක්වා තිබේ. එනම්,

1. ඉන්ද්‍රියචාලක අවධිය (උපතේ සිට අවුරුදු 02 දක්වා)

2. පූර්ව ක්‍රියාකාරී චින්තන අවධිය ( අවුරුදු 2-7 දක්වා)

3. සංයුක්ත චින්තන අවධිය (අවුරුදු 7-11 දක්වා)

4. වියුක්ත චින්තන අවධිය (අවුරුදු 11 න් පසු)

මෙහිදී සෑම පුද්ගලයෙකුම මෙම අවධි 4ට අනුව පිළිවෙලට පසු කරන බව දක්වන මොහු එක් එක් අවධිවල දී චින්තය ක්‍රියාත්මක වන ආකාරය හා එහි දී මතුවන සුවිශේෂී චර්යා ලක්ෂණ ප්‍රජානන සංවර්ධන න්‍යායෙන් පෙන්වා දී ඇත. විශේෂයෙන් පියාජේ පෙන්වා දෙන ආකාරයට ගුරුවරයෙකුට සුවිශේෂී භූමිකාවක් වශයෙන් දැක්වෙන සිසුන් හඳුනා ගැනීමෙහිලා ප්‍රජානන සංවර්ධන න්‍යාය උපකාරී වේ.

1. ඉන්ද්‍රියචාලක අවධිය

දරුවකුගේ වර්ධන අවධිය අනුව වර්ග කිරීමේදී පළමුව කතා කෙරෙන අවධිය ලෙස ඉන්ද්‍රිය චාලක අවධිය දැක්විය හැකි ය. මෙහි දී ව්‍යුහාත්මක වැඩීම හා කායික මානසික පරිණතිය දක්වා ඇත. සිතීම ආරම්භ කරන මුල් වකවානුව මෙය වන අතර ජීවිතය, ලෝකය, මමත්වය ආදී සංකල්ප ගොඩනගා ගන්නේ මේ අවධියේ දී බව පියාජේ පෙන්වා දේ. මෙහිදී දරුවකුගේ පෞරුෂ වර්ධනයට බලපාන ආදරය, ආරක්ෂාව, අවධානය, බාහිර පරිසරය වැනි බාහිර උත්තේජක නිසි පරිදි ලබා දීමට දැනුවත් වීම වැදගත් වේ.

2. පූර්ව ක්‍රියාකාරී චින්තන අවධිය

ඉන් පසුව පියාජේ දක්වන්නේ පූර්ව ක්‍රියාකාරී චින්තන අවධියයි. මෙම අවධිය කොටස් දෙකකින් සමන්විත වේ. එනම්,

I. පූර්ව සංකල්පන අවධිය

II. ප්‍රතිභා චින්තන අවධිය

මෙය ප්‍රජානන ශක්තීන් සංවර්ධනය වෙමින් ආරාම්භ වන අවධියයි. මෙම කාල වකවානුව අතිශයින් තීරණාත්මක වන අතර ලෝකය පුද්ගලයා හා සමාජය පිළිබඳ අත්දැකීම් මගින් ඉගෙන ගන්නටත් එමගින් යම් යම් නිගමනයන්ට එලඹී සංකල්ප ගොඩනගා ගැනීමටත් පෙළඹේ. පියාජේ දක්වන ආකාරයට මෙම අවධියේදී දරුවා ඒකමාන චින්තනයට උරුමකම් කියන අතර දරුවාගේ පරිණතියට ද ගැලපෙන පරිදි සමාජය හැසිරීම් සංවිධානය කළ යුතු වේ. මෙම කාල වකවානුවේදී දරුවාගේ චින්තනය නොදියුණු අතර යථා ස්වභාවය පිළිබඳව ඇත්තේ ව්‍යාකූල හැගීමකි. මෙම වයස් කාණ්ඩවලට අදාලව ඉගැන්වීම කටයුතු කිරීමේ දී එකී සිසුන්ගේ මානසික තතත්වයන් පිළිබඳ මනා අවබෝධයක් හා වැටහීමක් තිබිය යතුය. ඉගෙනුම් ඉගැන්වීම් කාර්ය සම්පාදනයේදී සිසුන්ගේ ප්‍රජානන හැකියාවන්ට අනුරූප වන පරිදි සැලසුම් කල යුතු බව දක්වයි. මෙහි දී ආදරය, කරුණාව,සෙනෙහස සුවිශේෂී සාධකයක් වන අතර මනා ගුරු සිසු සම්බන්ධ තාවයක් ගොඩ නගා ගැනීමට මෙම අවබෝධය අත්‍යවශ්‍ය වේ. දෙවැනි මවක් පියෙක් වැනි ගුරු භූමිකා තුළින් සිසු චින්තන අවධි කරන ප්‍රජානන් කුසලතා ඔප් නංවන පරිදි ඉගෙනුම් සංවිධානය, උපකරණ භාවිතය, පන්ති කාමර අලංකරණය, හා උත්තේජන සැපයීම පියාජේගේ ප්‍රජානන න්‍යායෙන් ඉදිරිපත් කරනු ලබයි. තවද මෙම චින්තන අවධිය තුළ දී දරුවන්ගේ ප්‍රත්‍යාවර්ථන හැකියාව නොමැති බව පියාජේ පෙන්වා දේ. මෙහි දී සංඛ්‍යා, වෙලාව, ප්‍රමාණය, එකට එක අනුරූපීතාව ආදී සංකල්ප ක්‍රමිකව වර්ධනය වන බව පියාජේ පෙන්වා දේ. මෙකී චින්තන අවධියේ දී ගුරුවරයා වචනයෙන් පමණක් විස්තර නොකොට හැකිතාක් නිවැරදි ශ්‍රව්‍ය දෘෂ්‍ය ආධාරක ඇසුරින් පැහැදිලි කරගත් යුතු වේ. තවද ගණිතමය සංකල්ප ගොඩ නැගීමේ දී හැකි තාක් ද්‍රව්‍ය සමග ක්‍රියා කරම්න් අවශ්‍ය අවස්ථා සලසා දීම ගුරුවරයෙක්ගේ ප්‍රමුඛ කාර්යභාරය වේ. තවද සිසුන් වෙත දෙ උපදෙස් පැහැදිලිව ලබා දිය යුතු අතර වචන වලින් පමණන් නොව ක්‍රියාවෙන්ම ආදර්ශනය කළ යුතුය. එහිදී ලබා ගන්නා අත්දැකීම් තුළින් ඉගෙන ගනීමට ඉඩ සැලසිය යුතුය. තවද ප්‍රායෝගික ක්‍රියාකාරකම් තුළින් ඉගෙනුම් ක්‍රියාවලිය සැලසුම් කළ යුතුය.

3. සංයුක්ත චින්තන අවධිය.

පියාජේ දක්වන පරිදි ඊළගට එළඹෙන්නේ සංයුක්ත ක්‍රියාකාරී චින්තන අවධියයි. මෙම අවධිය තුළදී ක්‍රමයෙන් අනුපිළිවෙල පිළිබඳ අදහස් වර්ධනය වන අතර තර්කානුකූල හැකියාව, සංරක්ෂණ හැකියාව, වර්ගීකරණය හා අනුපිළවෙල හැකියාවන්ගෙන් දරුවා පෝෂණය වේ. මෙම ප්‍රජානන මට්ටමේ ඇති සිසුන් හට අධ්‍යාපනය ලබා දීමේදී ශ්‍රව්‍ය දෘශ්‍ය ආධාරක මගින් කරුණු පැහැදිලි කිරීම සිදු කළ යුතු බව අනධාරණය කරන පියාජේ විද්‍යාත්මක පර්යේෂණ හා අත්හදා බැලීම තුළින් ඉගෙනීමට අවස්ථාව සැලසිය යුතු බවද ඔහුගේ න්‍යායෙන් ඉදිරිපත් කෙරේ. තවද සංකීරණ අදහස් පැහැදිළි කිරීමේ දී හුරුපුරුදු නිදසුන් යොදා ගැනීමට පෙළඹිය යුතුය.

4. වියුක්ත චින්තන අවධිය අනතුරුව එළඹෙන්නේ වියුක්ත චින්තන අවධියයි.මෙම අවධියේ දී තමාට මුහුණ දෙන්නට සිදුවන අවස්ථා සම්බන්ධයෙන් විවිධාකාරයේ විග්‍රහයන්ට නතු කිරීමට යෞවනයා සමත් වේ.වඩාත් සංවිධානාත්මක හා තර්කානුකූලව පදනමක් සහිතව ගැටළු විසඳයි. මෙම අවධිය ආත්ම කේන්ද්‍රීය වන අතර නමුත් පූර්ව චින්තන අවධියට වඩා වෙනස් වේ. මෙකී චින්තන අවධියේ සිටින සිසුන්ට ප්‍රජානන කුසලතා ඉහල දමා ගැනීමට ගැටළු විසදීමේ දී විද්‍යාත්මක තර්කනය යෝදා ගැනීම හා එම ගැටළු විසදන ආකාරය ආවර්ජනය කිරීමට ඉඩ සැලසිය යුතු වේ. කල්පිත ගොඩනැගීමටත් ගැටළු විසදීමට ගවේෂණයට අවශ්‍ය පහසුකම් සැලසිය යුතුය. තවද බුද්ධිය විකසිත වන තර්ක, වාද, විවාද, සංවාද වැනි වැඩසටහන් තුළින් සිසුන්ගේ ප්‍රජානන කුසලතා වැඩි දියුණු කළ හැකි බව දක්වයි.

පියාජේගේ මෙම ප්‍රජානන න්‍යාය සිසුන්ගේ ප්‍රජානන කුසලතා වර්ධනය කිරීම සඳහා යොදා ගත හැකි බව මේ අනුව පැහැදිලි වන කරුණකි.

උපුටා ගැනීමකි

ව්‍යුහවාදය(Structuralism)

wilhelm-maximilian-wundt-16-august-1832-neckarau-today-mannheim-31-B6EYB0මනෝවිද්‍යාව මුලින්ම ජීව විද්‍යාව හා දර්ශනය සමඟ වෙන් වූ විද්‍යාව ලෙස ස්ථාපිත වූ විට, මිනිස් මනස හා හැසිරීම විස්තර කිරීම සහ පැහැදිලි කිරීම පිළිබඳ විවාදය ආරම්භ විය. මෙම කාලය තුළ හටගත් මනෝවිද්යාවෙහි මුල්ම ප්‍රධාන පාසල් දෙකක් ව්‍යුහවාදය හා ක්‍රියාකාරීත්වය ලෙස හැඳින්වේ. මනෝවිද්‍යාව ලෙසින් මේ කිසිදු පාසලක් නොපවත්වන නමුත් නූතන මනෝවිද්‍යාව සංවර්ධනය සඳහා වැදගත් දායකත්වයක් ලබා දුන්නේය.

ව්‍යුහවාදය, ක්‍රියාකාරීත්වය සහ මනෝ විද්‍යාව පිළිබඳ මූලාරම්භය
ව්‍යුහවාදයට මුල්ම සිතුවිල්ල ලෙස මතුවූ අතර ව්‍යුහවාදී පාසල සමඟ සම්බන්ධ වූ සමහර අදහස් විලියම් වින්ඩ්ට්ගේ පළමු මනෝ විද්යාත්මක විද්‍යාගාරයේ නිර්මාතෘ විසින් ඉදිරිපත් කරන ලදී.

මනෝවිද්‍යාව තුළ ආධිපත්‍යය සඳහා අනිවාර්යයෙන්ම වෙනත් න්‍යායන් ඉස්මතු විය. ව්‍යුහවාදයට ප්‍රතිචාර දැක්වීමෙන්, ක්‍රියාකාරීත්වය ලෙස හඳුන්වන ඇමරිකානු ඉදිරිදර්ශනය චාල්ස් ඩාවින් සහ විලියම් ජේම්ස් වැනි චින්තකයන්ගෙන් මතු විය.

1906 දී මේරි විටන් කාකාන්ස් විසින් මනෝවිද්යාත්මක සමාලෝචනයක ලිපියක් ප්රකාශයට පත් කරන ලදී. ව්යුහවාදය හා ක්රියාකාරීත්වය එතරම් වෙනසක් නොවූ බව ඇය තර්ක කලේය.

එසේ තිබියදීත්, එක් එක් පාර්ශ්වය අනෙක් පැත්තෙන් අඛණ්ඩව තුරන් විය. විලියම් ජේම්ස් පැවසුවේ ව්යාකෘතිවාදයට “පාසැල් ඕනෑතරම්” තිබුන නමුත් කිසිදු සිතුවිල්ලක් නොතිබූ අතර විල්හෙල්ම් වුන්ට් විසින් විද්යාව වෙනුවට “සාහිත්යය” ලෙස ක්රියාකාරීත්වය ප්රතික්ෂේප කලේය.

අවසානයේදී, මෙම සිතුවිලි දෙකම විසිවන ශතවර්ෂයේ ආරම්භයේ සිට මැද භාගය දක්වා මනෝ චිකිත්සාව තුළ ආධිපත්යය අහිමි විය. චර්යාව , මනෝවිද්යාව , මානවවාදය සහ සංජානනීය මනෝවිද්යාව නැගීම මගින් ප්රතිස්ථාපනය විය.

මෙම මුල් සිතුවිලි විද්යාව මනෝවිද්යාව පාඨමාලාවට බලපෑවේ කෙසේද යන්න අවබෝධ කර ගැනීම සඳහා එක් එක් අයගේ අවධානය යොමු කරමු.

ව්‍යුහවාදය යනු කුමක්ද?
ව්‍යුහවාදය යනු මනෝ විද්යාවේ ප්‍රථම පාසල වන අතර වඩාත් මූලික සංරචකයන් බවට මානසික ක්‍රියාවලීන් බිඳ දැමීම කෙරෙහි අවධානය යොමු කරන ලදි. පර්යේෂකයන් උත්සාහ කළේ ස්වයං විමර්ශනයක් ලෙස හැඳින්වෙන ක්රමයක් භාවිතා කිරීමෙන් සවිඤ්ඤාණිකයේ මූලික අංග තේරුම් ගැනීම සඳහාය.

පළමු මනෝ විද්යාත්මක විද්‍යාගාරයේ නිර්මාතෘ වන විල්හෙල්ම් වුන්ඩ්ට් මෙම කල්පිත විද්යාලය සමඟ බොහෝ විට මෙම කල්පිත විද්යාව විස්තර කිරීම සඳහා ඔහුගේ ශිෂ්යයා වූ එඩ්වඩ් බී.

වන්දුන්ගේ කෘතිය වෙනම විද්යාවක් ලෙස මනෝවිද්යාව ස්ථාපිත කිරීමට දායක වූ අතර, පර්යේෂණාත්මක මනෝවිද්යාව සඳහා ක්රමවේදයක් දායක වූ අතර, වොන්ඩට් ස්වෝත්තමවාදය පිලිබඳ ඔහුගේ මතය යොමු කලේය. ඔහුගේ න්යායන් ඇමරිකා එක්සත් ජනපදයේ දී ටයිචනර් පසුව හඳුන්වා දුන් අදහස්වලට වඩා බෙහෙවින් සාකල්ය විය. ටයිචනර්ගේ ව්යුහවාදය වර්ධනය කිරීම, මනෝ විද්යාවෙහි ප්රථම “පාසල” පිහිටුවීමට උපකාරි විය. එහෙත්, ටිචෙන්ගේ මරණයෙන් බොහෝ කලක් ගත වූයේ නැත.

ව්‍යුහවාදයේ ශක්තීන් සහ විවේචන
වර්තමාන විද්යාත්මක ප්රමිතීන් අනුව, මනසෙහි ව්යුහයන් අධ්යයනය සඳහා භාවිතා කරන ලද පර්යේෂණ ක්රමයන් අතිශයින්ම ආත්මීයයි. සමීක්ෂණයේ ප්රතිඵල ප්රතිඵලවල විශ්වසනීයත්වය අඩුවීමට හේතු විය.

අනෙකුත් විචාරකයින් තර්ක කරන්නේ, සෘජු ලෙස නිරීක්ෂණය කළ නොහැකි හා නිවැරදිව මනිනු නොලැබෙන අභ්යන්තර ව්යාජ හැසිරීම් ගැන වැඩියෙන් සැලකිලිමත් වූ බවයි.

කෙසේවෙතත්, මෙම විවේචන අර්ථවත් නොවන බවයි. මනෝ විද්යාව පිළිබඳ සිතුවිලි මුල්ම ප්රධාන පාසල නිසා ව්යුහවාදය වැදගත් වේ. ව්යුහවාදී පාසලෙහි පර්යේෂණාත්මක මනෝවිද්යාව සංවර්ධනය කෙරෙහි බලපෑවේය.

ක්‍රියාකාරීත්වය යනු කුමක්ද?
ව්‍යුහවාදයට ප්‍රතිවිපාකයක් ලෙස හැඩගැස්වූ අතර විලියම් ජේම්ස් හා චාල්ස් ඩාවින්ගේ පරිණාමීය සිද්ධාන්තය දැඩි ලෙස බලපෑවේය. ක්රියාකාරීත්වය මානසික ක්රියාවලීන් වඩා ක්රමානුකූලව හා නිරවද්ය ලෙස විස්තර කිරීමට වෑයම් කරන ලදී.

සවිඥානකත්වයේ මූලිකාංග කෙරෙහි අවධානය යොමු කිරීම වෙනුවට ක්රියාධරයන් විඥානය හා හැසිරීමේ අරමුණ ඉලක්ක කර ගත්හ. අධ්යාත්මිකත්වය අධ්යාපනය තුළ ප්රගාඪ බලපෑමක් ඇති වූ පුද්ගල වෙනස්කම් අවධාරණය කරන ලදි.

ප්‍රධාන වැදගත් ක්රියාකාරී චින්තකයන් වූයේ විලියම් ජේම්ස් , ජෝන් ඩුවී , හාර්වේ කාර් සහ ජෝන් ඇන්ග්ලෙල් ය.

ක්රියාකාරීත්වයේ ශක්තීන් සහ විවේචන
ෆුන්ඩිට් විසින් වින්ඩඩ් විසින් වඩාත් ප්රසිද්ධියට පත් විණි. “එය සාහිත්යය, එය ලස්සනයි, නමුත් එය මනෝවිද්යාව නොවේ.” ඔහු ක්රියාකාරී විලියම් ජේම්ස් ” මනෝවිද්යා මූලධර්ම .”

ක්‍රියාකාරීත්වය මනෝවිද්යාව කෙරෙහි වැදගත් බලපෑමක් විය. එය චර්යාත්මක වාදය හා ව්යවහාරික මනෝවිද්යාව වර්ධනය කිරීම කෙරෙහි බලපෑවේය. ක්රියාකාරීත්වය අධ්යාපන පද්ධතියට බලපෑවේ විශේෂයෙන්ම දරුවන් සංවර්ධනය කළ යුතු මට්ටමට දරුවන් ඉගෙනගත යුතු බව ජෝන් ඩිවීගේ විශ්වාසයයි.

වචනයක්
වර්තමානයේ මෙම මුල්කාලීන පාසල් කිසිවක් තවමත් පැවතියද, ඔවුන් දෙදෙනාම නවීන විද්‍යාව ලෙස මනෝවිද්යාව පැන නැගීම කෙරෙහි වැදගත් බලපෑමක් ඇති කර ඇත. වොන්ඩට් සහ ටයිචර්ගේ ව්යුහවාදය මනඃකල්පිත විද්යාව වඩා ප්රායෝගික විද්යාව බවට පත් කිරීම සඳහා ක්රියාකලාපයක් ඉටු කළ අතර ජේම්ස්හි ක්රියාකාරීත්වය සැබෑ ප්‍රශ්න විසඳා ගැනීමේ ක්‍රියාවලිය මත මනෝවිද්යාව කෙරෙහි යොමු විය. ව්යුහවාදයේ හා ක්රියාකාරීත්වයේ කේන්ද්රය වටහා ගැනීමෙන්, අද දින එය මනෝවිද්යාව පැමින ඇති ආකාරය පිළිබඳ වැඩි ඇගයීමක් ලබාගත හැකිය.

උපුටා ගැනීමකි