ජීවිතය‍ට බිදක්…..

ඉතින් කොහොමද ඔයාලාට.ගොඩාක් දවසකින් blog එක පැත්තේ එන්නත් බැරිවුණා.මොකද අපිට මේ දවස්වල sch නේ.මම අද ඔයාලට කියන්න යන්නේ අපේ ජීවිත වලට වැදගත් වන ඔවදන් කිහිපයක් ගැන.ඔයාලම බලන්නකෝ මේවා කොච්චර දුරට ඔයාලගේ ජිවිත වල‍ට චැදගත් වෙනවද කියලා…..

බුද්ධියෙන් හීන අයෙකුට වුවද බුද්ධිමතෙකු ලෙස පෙනී සිටීමට එතරම් අපහසු නැත.එහෙත් බුද්ධිමත් ලෙස කථා කළ හැක්කේ බුද්ධියෙන්  වැඩුණු අයෙකුට පමණි.

අනෙක් සෑම දෙයක් අභිබවා විනෝදයට වහල් වන පුද්ගලයාගේ උරුමය වන්නේ සදාකාලික වේදනාවයි.

ළගම මිතුරෙකුගෙන් පවා උවමනාවට වඩා පිහිට පැතීම ආත්ම ගෞරවයට බාධාවකි.

 

 

This entry was posted on December 1, 2012, in Uncategorized. 1 Comment

”පශ්චාත්තාපය”

ඉඩ නොදෙනු මැන
ගලායන්නට
දෙකොපුල මතින්
කඳුලකට,
තැවී හඬා ඵලක් නැත
කදුළු සලන්නේ කිම…..?
ඔබේ දෙනයන රිදුම්
දෙනතුරු
හඬනු රිසි නෑ,
හිනහෙමු
කඳුළ යටකර
එය අගී……..
ගෙවෙන හැම නිමේෂයක්
අර්ථවත් ලෙස
ගත කරන්නට හැකිනම්
නැත අවැසි
පශ්චාත්තාපයක්……..

This entry was posted on August 21, 2012, in Uncategorized. 1 Comment

බුදු ගුණ නිවනට මඟ………….

දස දෙස සව් සතන් වෙත මෙත සිසිල සදා
පිස එන සුවඳ පිපි මුල් දම් රසින් පුදා
දස අකුසල් සමාජය යහ මඟට යොදා
රසවත් කරන්නට පියවර ගනිමු මෙදා

සල් සපු නා නෙළුම් වනමල් පිපෙන්නා
සිල් සුවඳින් සුවය මනසට ලැබෙන්නා
පිල් බෙදුමක් නැතිව දහමට නැවෙන්නා
මල් මල් අනාගතයට පිය නැඟෙන්නා

බල මහිමය සොබාදම විලසට රඳනා
සලතුන බුදු බවය සැම කෙළෙසුන් නසනා
කළගුණ සැලැකීම බුදු ගුණයකි අගනා
මිල කළ නොහේ බුදු නැණ නිවනට වඩනා

සුබ අලුත් අවුරුද්දක් වේවා!

හෙළ දිව ජන සිරිත් යහ ගති මතු කරන
නව වසරකින් නව පැතුමන් හද පුරන
සාමයෙ සමඟියේ බැඳි බැමි සවි වඩන
නව අවුරුදු කුමරු එයි සොම්නස් රැගෙන

 කෝකිල ගී නාද එරබදු මල් සුවඳ
සරු අස්වනු පිරී සිත් කරවයි පබොද
ඔංචිලි, රබන්, අවුරුදු වාරම් නද ද
විසිරේ රටපුරා නව සිතුවිලි වැලඳ

 සුව සැප සතුට සාමය සැමටම වේවා!
අත මිට සරුවෙවී කිරි පැණි ඉතිරේවා!
නිදහස් මිහිර දස අතටම පැතිරේවා!
හෙළ දිව කිත් යසස් ලෝතුළ රැවුදේවා!

This entry was posted on April 12, 2012, in Uncategorized. Leave a comment

අපෙන් එය උදුරගෙන…………

ගොඩාක් කාලයකින් blog එකට ලියන්නත් බැරිවුනානේ.අද තමයි ඔන්න මට ඒකට අවස්ථාවක් ලැබුනේ.

ඒත් අද මම  blog එකට ලියන්නේ වෙනදා වගේ සතුටකින් නම් නෙවයි.ගොඩාක් දුකින්.මොකද  අපේ ලැබ් එක මේ කුරිරු සමාජය විසින් අපෙන් උදුරගෙන  දැන් මාස දෙකකටත් ලගයි.ඒකට තාම විසදුමක් ලැබුණේ නෑ.මේ සමාජය ඉදිරියට යන මිනිසුන්ට ඉදිරියට යන්න දෙන්නෙම නෑ.ඒ වගේම තමයි අපේ සර්..සර්ගේ ජීවිතය වගේ වෙලා තිබුන් මේ ලැබ් එක. සර් ගොඩක් මහන්සි උනා ‍මේ ලැබ් එක ගොඩ නගන්න. ඒත් මේ නපුරු සමාජය ඒකට ඉඩ දෙන්නේ නෑ.සර් ගොඩක් කණගාටුවෙන් ඉන්නේ මේ හින්දා.ඒ වගේම අපිටත් ගොඩක් දුකයි.අපි ගොඩක් ආසාවෙන් වැඩ කල ලැබ් එක,අපි ගොඩක් ගරුකල ලැබ් එක,ඒත්… අපෙන්  එය උදුරගෙන. අනේ ඇත්තටම ඒක ඒක  සාධාරණද? ඇයි මේ අසාධාරණය නිතරම ලෝකයේ රජවෙන්න හදන්නේ.ඇයි ඇත්තට,සාධාරණයට,යුක්තියට තැනක් නැත්තේ.මිනිස්සු ගොඩක් දෙනා හිතන්නේ තමන් ගැන විතරයි.නමුත් හැමදෙනාම එහෙම නෑ. අපේ සර් වගේ ගොඩක් හොද මනුෂ්‍යයොත් ඉන්නවා.ඒ වගේම තමයි මේ විදියට ලැබ් එක වසා දැමීම ගැටලුවක්.ඇත්තටම ඇයි මේ දේවල් ගැන නිසි බලධාරින් හොයා බලන්නේ නැත්තේ. එසේ නිසි බලධාරීන්ගේ අවධානය යොමුවනතුර අපි හැමෝම විමසිල්ලෙන්…………..

 

This entry was posted on April 12, 2012, in Uncategorized. Leave a comment