Tag Archive | සිංහල හින්දු අළුත් අවුරැද්ද

මේ අවුරුදු කාලේ සිනහ වෙයන් රාළේ……

මේ අවුරුදු කාලේ සිනහ වෙයන් රාළේ
තෙල් ඉහිරුණු කැවුම් ගෙඩිය වාගේ //

දොං තරිකිට කැත්ත ‍දොදොං
පිළ වටකර කැත්ත දොදොං
දමා තැල්ල ඩිඟිසි ඩි‍‍ඟොයි
දමා තැල්ල තක තෙය්යත් තාං
කැවුම් කොකිස් තෙලේ බැ‍දෙයි
කැවිළි සුවඳ සිතට දැනෙයි

බා බා බා කිකිළී
ඊයෙ උදේ ගිය කිකිළී
තාම ආවෙ නෑ කිකිළී
බා බා බා

ගත්තිංඥා තිංඥා ගති ගත ගෝ ගති ගත ගෝ
ඔන්චිලි චිලි වාරම් ගම දෙවනත් වෙන්නා
මැංගිරි ඩිණිකෝ
අවුරුදු ආවෝ

මේ අවුරුදු කාලේ සිනහ වෙයන් රාළේ
තෙල් ඉහිරුණු කැවුම් ගෙඩිය වාගේ //

දොං තරිකිට කැත්ත ‍දොදොං
පිළ වටකර කැත්ත දොදොං
දමා තැල්ල ඩිඟිසි ඩි‍‍ඟොයි
දමා තැල්ල තක තෙය්යත් තාං
ගමේ රබන් දොරට වඩියි
සිනහ මුහුණු අවට පෙනෙයි

බා බා බා කිකිළී
ඊයෙ උදේ ගිය කිකිළී
තාම ආවෙ නෑ කිකිළී
බා බා බා

ගත්තිංඥා තිංඥා ගති ගත ගෝ ගති ගත ගෝ
සිංහල අවුරුද්දේ මල් කැකුළක් සේ දිළිසේ
මැංගිරි ඩිණිකෝ
අවුරුදු ආවෝ

මේ අවුරුදු කාලේ සිනහ වෙයන් රාළේ
තෙල් ඉහිරුණු කැවුම් ගෙඩිය වාගේ //

ගායනය – ලයනල් රන්වල, රන්වල බලකාය
ගී පද – ජයතිස්ස බොරළුගොඩ
සංගීතය – ලයනල් රන්වල

Advertisements

 

 

 

ගම්මැද්දේ කොහා කුරුල්ලා කොහෝ කොහෝ ගාන හඬ. එරබදු ගස් හැඩවෙන්න මඟ බලනවා. අඹගස් වල කජු ගස්වල මල් පිපිලා.. පරිසරයේ මේ වෙනස්කම් සමඟ ඔයාලා ආසාවෙන් බලාගෙන ඉන්න සිංහල හින්දු අලුත් අවුරුද්ද උදාවීමට තවත් තියෙන්නේ සති කිහිපයක්.

අප්‍රේල් 14 වෙනිදා අපේ රටට සුවිශේෂි දිනයක්. එදාට මුළු රටම එකම වෙලාවකදී විශේෂ චාරිත්‍ර වාරිත්‍ර අනුව ලිපගිනි මොලවනවා , ආහාර අනුභව කරනවා. ඒ සියල්ලම කරන්නේ නැකත් වෙලාවකට අනුව බව ඔයාලා දන්නවනේ.
ඒ වගේම අපිට දෙමාපියන්ගෙන් , නෑදෑ හිතමිතුරන්ගෙන් අළුත් අවුරැද්දට අළුත් ඇදුමි, තෑගි ලැබෙනවා. ඒ වගේම මේ දිනවලදි හැම ගෙදරකම රසකැවිලි හදනවා. සෑම ගෙදරකම පාහේ කැවුමි සෑදීම හැම අවුරැද්දකම දක්නට ලැබෙනවා.ඒ වගේම අසල්වැසියන්, නෑදෑ හිත මිතුරන් මේ දිනවලදී තැගි අරන්  අපිව බලන්න එනවා.අපිත් තැගි අරගෙන ඔවුන් බලන්නට නෑගමි යනවා. ඒ වගේම අවුරැද්ද නිසා පැරණි තරහ මරහ නැති යනවා.
අවුරැද්ද හැමදාම එන්නේ නෑනේ.අවුරැදු තියෙන්නේ අ‍ප්‍රෙල් මාසේ විතරයිනේ.ඉතින් අපි මේ දින කිහිපයේදීවත් අවුරැද්ද සතුටින් සහයෝගයෙන් සමරන්න ඕන ‍නේද? අපි ජාති කුල මල බේදයකින් තොරව මේ අවුරැද්ද සතුටින් සමරනවාමි වඩාත් හොද යැයි මම සිතනවා…..

ඔයාලා හැම දෙනාටම ලබන්නාවූ අළුත් අවුරැද්ද
සුභම සුභ අළුත් අවුරැද්දක් වේවා………..!

පාත්ත ළමයා……….

එක්තරා කාලයක විසූ මවු කෙනකු ඉතා ප‍්‍රණීත ලෙස මාළු වෑංජන පිළියෙල කිරීමට දැන සිටියා ය. ඈට පුත‍්‍රයෙක් විය. වරක් ඈ මාළු පිසූ විට ඇගේ පුත‍්‍රයා මෙසේ ඉල්ලා සිටියේ ය.
”අම්මේ මට කෑමට මාළු ඕනෑ. මාළුවා ගේ බඩ පැත්තක් කන්න දෙන්න.”
”හොඳයි පුතා දෙන්නම්. ඒත් ඇයි ඔයා එළියේ. ගේ ඇතුළට එන්න. එතකොට කෑම ලැබේවි.”
මඳ වේලාවක් ගත විය. යළි පුතු ගේ හඬ ඇසිණි.

”අම්මේ බඩගිනියි. මාළුවා ගේ උඩම කොටසින් කෑල්ලක් ඕනෑ.”
”දෙන්නම් පුතා. ඒත් ඔයා තාම එළියෙ නේ. ඇතුළට ආව නම් කන්න පුළුවන්.”
තවත් විනාඩි ගණනක් ගත විය. පුතු ගේ හඬ යළි ඇසිණි.

”අම්මේ, හොඳටම බඩගනියි. මාළුවා හීනියට කපා දෙන්න.”
”එළියේ ඉඳගෙන කන්න බැහැ. එන්න ඇතුළට.” මවු කීවා ය.
තවත් මඳ කලක් ගත වූ තැන පුතු යළිත් හඬ නැඟී ය.

”අම්මේ පුදුම තරමට බඩගිනි වුණා. මාළුවා ගේ පිට කොටසින් කෑල්ලක් ඕනෑමයි.”
”එළියෙ ඉඳගෙන කෑමේ සිරිතක් නෑ. ඇතුළට ඇවිත් කමු.” යළි යළිත් මවු ගේ පිළිතුර වූයේ එය යි. එහෙත් යළි වරක් පුතු මාළුවා ගේ මැද මස ද ඉල්ලා සිටි නමුත්, පිළිතුරෙහි නම් වෙනසක් සිදුවුණේ නැත.

ඉන් පසු පුතු නිහඬ විය. මවු ගෙයින් පිටතට පැමිණ දරුවා සොයන්නට විය. දරුවා පිළිබඳ කිසිදු සලකුණක් නැත! හිම මත ඔහු කෙළිදෙලෙන් සිටි බවට එමත වූ පිය සටහන් පමණක් සාක්කි දුනි.

මවු දිගින් දිගට ම පුත‍්‍රයා සොයා ගියා ය. ඈ උමතුවෙන් මෙන් කඳුළු සලමින් හඬන්නට වූවා ය.
මෙසේ ඈ හාත්පස දිවයන අතර විලක් මත අමුතු පාත්තයකු දුටුවා ය. මේ නම් සිය පුත‍්‍රයා බව ඈට වැටහිණි. ඈ මෙසේ කෑ ගෑවා ය.
”පුතා පුතා මගේ ළඟට එන්න.”

”මං කොහොමද අම්මේ එහෙම කරන්නේ. මං දැන් පාත්තයෙක්. නිදහසේ, එළිමහනේ ජීවත් වන, එළිමහනේ කන බොන නිදහස් සතෙක්. ඔබට ඔබේ මාළුවා ගෙතුළට වී රස බලන්න දැන් පුළුවන්”
මෙසේ කියා පාත්තයා මවු දෙනෙතින් මිදී ඈතින් ඈතට පිහිනා යන්නට ගියේ ය.